25 қазан – Республика күні! Биыл – Мемлекеттік егемендік туралы декларацияның қабылданғанына 35 жыл! Осы айтулы мерекеге орай Алматы қаласы Білім басқармасы ұлт рухын көтеретін ерекше мәдени-патриоттық жобаны іске асырды! Қаламыздың балалар музыка мектептерінің хор ұжымдары Мемлекеттік Әнұранды бірігіп орындап, туған елге деген мақтаныш пен сүйіспеншілікті әуез арқылы жеткізді. 1000-нан астам оқушының қатысуымен өткен түсірілім – өнер мен патриотизмнің тоғысқан әсерлі көрінісі! Бұл жоба – жас ұрпақтың бойында Отанға деген сүйіспеншілік, бірлік пен рухты дәріптейтін маңызды бастама!